Мамлакат мустақиллигига эришилгандан кейин ипакчилик тармоғида иқтисодий ислоҳотларни янада чуқурлаштиришга, хорижий инвестицияларни жалб этиш учун қулай шарт-шароитларни шакллантиришга, янги корхоналар қуриш ва мавжудларини модернизациялашга, жаҳон бозорида харидоргир ва рақобатдош тайёр маҳсулот ишлаб чиқариш ҳажмларини ошириш ва уларнинг турларини кўпайтиришга қаратилган кенг кўламли таркибий ўзгартиришлар амалга оширилди.
Шу билан бирга озуқа базаси ва пилла хомашёси етишмаслиги тармоқни янада ривожлантиришга тўсқинлик қилмоқда, бунинг натижасида республика пиллакашлик ва шойи тўқиш корхоналарининг ишлаб чиқариш қувватларини хомашё билан таъминлаш даражаси пастлигича қолмоқда.
Ипакчилик тармоғини янада ислоҳ қилишни таъминлаш, ипакчилик саноатини модернизациялаш, диверсификациялаш ва жадал ривожлантириш жараёнларини фаоллаштириш, пиллани чуқур қайта ишлаш негизида ташқи бозорда барқарор талаб қилинаётган, рақобатдош маҳсулот ишлаб чиқариш ҳажмларини кўпайтириш ва товарлар турини кенгайтириш, шунингдек, тармоқни ривожлантиришга хорижий инвестицияларни кенг жалб этиш мақсадида:
2018 — 2021 йилларда пилла тайёрлашни кенгайтириш ва чуқур қайта ишлаш негизида экспортга йўналтирилган юқори қўшилган қийматли тайёр маҳсулот ишлаб чиқариш бўйича инвестиция лойиҳалари рўйхати 1-иловага мувофиқ:
2018 — 2021 йилларда пилла тайёрлашни кенгайтириш ва чуқур қайта ишлаш негизида экспортга йўналтирилган юқори қўшилган қийматли тайёр маҳсулот ишлаб чиқариш бўйича инвестиция лойиҳалари доирасида қувватларни ишга тушириш жадвали 2-иловага мувофиқ маъқуллансин.
Олдинги таҳрирга қаранг.
(3-банд Ўзбекистон Республикаси Президентининг 2021 йил 30 декабрдаги ПФ-42-сонли Фармони таҳририда — Қонунчилик маълумотлари миллий базаси, 30.12.2021 й., 06/21/42/1224-сон)
бир ой муддатда жойлардаги мавжуд тутзорларни хатловдан ўтказиб, кейинчалик уларни ҳудудий «Агропилла» МЧЖларга топширсин;
икки ой муддатда ҳудудий «Агропилла» МЧЖларга Қорақалпоғистон Республикаси ва вилоятларда тут уруғлари ва кўчатларини тайёрловчи хўжаликларни ташкил эгиш учун камида 30 гектардан суғориладиган ер майдонлари ажратиб берилишини таъминласин.
ҳудудий «Агропилла» МЧЖларга топширилган тутзорлар «Ўзбекипаксаноат» уюшмаси таркибига кирувчи пиллани қайта ишлаш ва пилла курти тайёрлаш ташкилотларига ўзларининг озуқа базасини яратиш учун шартнома асосида бепул фойдаланишга берилади;
хом ипак ва ипак калава ишлаб чиқариш қувватларини яратиш бўйича янги лойиҳалар «Ўзбекипаксаноат» уюшмасининг хулосалари асосида аниқланадиган озуқа базаси ва пилла хомашёсининг етарли миқдордаги ҳажмлари мавжудлиги билан чамбарчас боғлик холда амалга оширилади.
«Ўзбекипаксаноат» уюшмаси (Б.К. Шарипов) икки ой муддатда тегишли вазирликлар ва идоралар билан биргаликда мавжуд пиллани қайта ишлаш ташкилотларини модернизация қилиш чора-тадбирлари дастурини ишлаб чиқсин ва тасдиқласин, бунда тармоқнинг озуқа базасини кенгайтириш ва пилла хомашёси етиштириш ҳажмларини кўпайтириш негизида мазкур ташкилотларнинг ишлаб чиқариш қувватлари хомашё билан тўлиқ юкланишини таъминлайдиган ўзаро боғлик ягона ташкилий-технологик занжир яратилиши назарда тутилади.
пиллачиликни ривожлантириш ва самарадорлигини оширишнинг ғоят муҳим муаммолари бўйича тадқиқот ишларини юқори даражада олиб бориш ҳамда уларни ишлаб чиқариш жараёнларига татбиқ этиш;
хом ипакчилик ва материаллардан рационал фойдаланиш, тут дарахтлари унумдорлигини ошириш, пилла куртининг юқори маҳсулдор зотларини яратиш бўйича илмий-методик асослар ва амалий тавсияларни ишлаб чиқиш;
тайёр маҳсулот сифати, харидоргир турлари ва дизайни менежментининг замонавий усулларини кенг жорий этиш, унинг халқаро талабларга мувофиқ сертификатлаштирилиши ва стандартлаштирилишини таъминлаш;
Марказ илмий-техник ходимларининг касб савиясини, шу жумладан, хорижий мутахассисларни жалб этиш ҳисобига такомиллаштириш, шунингдек, чет эллардаги етакчи илмий-тадқиқот муассасалари билан халқаро ҳамкорликни кенгайтириш ва мутахассисларнинг стажировкаларини ташкиллаштириш.
Белгилансинки, тармоқни мақсадли ривожлантиришга қаратилган пиллачилик соҳасидаги илмий тадқиқотлар Ўзбекистон Республикаси Давлат бюджетининг давлат илмий-техника дастурларини амалга ошириш учун ажратиладиган маблағлари, шунингдек, халқаро ташкилотлар грантлари ҳамда қонун ҳужжатларида тақиқланмаган бошқа манбалар ҳисобидан бажарилади.
Олдинги таҳрирга қаранг.
(8-банднинг биринчи хатбошиси Ўзбекистон Республикаси Президентининг 2020 йил 27 сентябрдаги ПФ-6075-сонли Фармони таҳририда — Қонун ҳужжатлари маълумотлари миллий базаси, 28.09.2020 й., 06/20/6075/1330-сон)
2018-2019 ўқув йилидан бошлаб ихтисослашган олий таълим муассасалари ҳузурида ипакчилик тармоғи учун малакали кадрлар тайёрлаш бўйича махсус сиртки бўлимлар очилишини назарда тутсин;
ҳар йили ихтисослашган олий таълим муассасаларига қабул квоталарини шакллантиришда ипакчилик тармоғи ва саноатининг малакали кадрларга бўлган ҳақиқий эҳтиёжини ҳисобга олсин;
Тошкент давлат аграр университетида ҳамда Тошкент тўқимачилик ва енгил саноат институтида уларнинг ўз маблағлари ҳисобига интерфаол таълим аудиторияларини ташкил этсин, пилла тайёрлаш ва қайта ишлашнинг ташкилий-технологик жараёнларини яққол намойиш этиш имконияти яратилсин;
«Ўзбекипаксаноат» уюшмаси таркибига кирувчи ташкилотлар билан ипакчилик йўналиши бўйича кадрлар тайёрлайдиган олий таълим муассасалари ўртасидаги ҳамкорликни йўлга қўйишда ташкилий кўмак берилишини таъминласин.
Қорақалпоғистон Республикаси Вазирлар Кенгаши ва вилоятлар ҳокимликлари зиммасига — «Ўзбекипаксаноат» уюшмаси таркибига кирувчи ташкилотларга янги тутзорлар барпо этиш учун суғориладиган ерлар ажратиб берилиши;
«Ўзбекипаксаноат» уюшмаси (Б.К. Шарипов), Қорақалпоғистон Республикаси Вазирлар Кенгаши ва вилоятлар ҳокимликлари зиммасига — пилла тайёрлаш бўйича прогноз кўрсаткичларининг бажарилиши;
«Ўзбекипаксаноат» уюшмаси (Б.К. Шарипов) зиммасига — пиллани қайта ишлаш ва экспортга йўналтирилган ипак маҳсулотлар ишлаб чиқариш, шунингдек, тармоқ ташкилотлари ўртасида хомашёнинг оқилона тақсимланиши;
Қорақалпоғистон Республикаси Вазирлар Кенгаши, вилоятлар ҳокимликлари хамда Ўзбекистон Фермерлар, деҳқон хўжаликлари ва томорқа эгалари кенгаши зиммасига — республиканинг бутун ҳудудида фермер хўжаликларининг далалари теварагида тут кўчатларининг қатор экилиши амалиётини қайта тиклаш ишларининг самарали ташкил этилиши ва сифатли ўтказилиши юзасидан жавобгарлик юклансин.
«Ўзбекипаксаноат» уюшмаси (Б.К. Шарипов) юқорида зиммага юклатилган вазифаларнинг ўз вақтида ва сифатли бажарилиши устидан доимий мониторинг ўрнатсин ҳамда Ўзбекистон Республикаси Вазирлар Маҳкамасига ҳар чоракда ахборот бериб турсин.
а) республикада ишлаб чиқарилмайдиган ва «Ўзбекипаксаноат» уюшмаси таркибига кирувчи ташкилотлар томонидан олиб келинадиган (белгиланган тартибда тасдиқланадиган рўйхатлар бўйича):
инвестиция лойиҳаларини амалга ошириш доирасида олиб келинадиган технологик ускуналар, эҳтиёт қисмлар, бутловчи буюмлар, ёрдамчи ва қурилиш материаллари;
тутзорларнинг қатор оралиғида агротехника тадбирларини бажариш учун қишлоқ хўжалиги техникаси, механизация ва ирригация воситалари, эҳтиёт қисмлар ва уларнинг бутловчи буюмлари;
тут кўчатлари уруғини тайёрлашда фойдаланиладиган хомашё ва материаллар, қуртхоналар учун ускуналар;
Олдинги таҳрирга қаранг.
тайёр ипак маҳсулоти ишлаб чиқаришда фойдаланиладиган химикатлар, синтетик толалар, бўёқлар, фурнитура ва аксессуар буюмлари ҳамда бошқа ёрдамчи материаллар бож тўловларидан (қўшилган қиймат солиғи ва божхонада расмийлаштирув йиғимлари бундан мустасно);
(10-банд «а» кичик бандининг бешинчи хатбошиси Ўзбекистон Республикаси Президентининг 2019 йил 27 июндаги ПФ-5755-сонли Фармони таҳририда — 2019 йил 1 октябрдан кучга киради)
б) «Ўзбекипаксаноат» уюшмаси таркибига кирувчи ва умумбелгиланган солиқларни тўловчи ташкилотлар тутзорлар билан банд бўлган ер майдонлари қисмида ер солиғи тўлашдан;
в) «Ўзбекипаксаноат» уюшмаси таркибига кирувчи ва солиқ тўлашнинг соддалаштирилган тартибини қўлловчи ташкилотлар ягона ер солиғи тўлашдан озод қилинсин.
Олдинги таҳрирга қаранг.
«Ўзбекипаксаноат» уюшмасининг ўзини давлат ҳокимияти органлари, давлат ва хўжалик бошқаруви органлари, республика аҳамиятидаги бошқа давлат ташкилотлари рўйхатига (бу Рўйхат Вазирлар Маҳкамасининг 2016 йил 7 октябрдаги 336-сонли қарори билан тасдиқланган) киритиш тўғрисидаги таклифига розилик берилсин, уларнинг раҳбарлари ўз ходимларини Тошкент шаҳри ва Тошкент вилоятида доимий яшаш жойи бўйича рўйхатга олиш тўғрисида илтимоснома билан мурожаат қила оладилар;
(11-банднинг иккинчи хатбошиси Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
Ўзбекистон Республикаси Молия вазирлиги ҳамда Бандлик ва меҳнат муносабатлари вазирлигининг ипакчилик тармоғига тааллуқли бўлган ва фермер хўжаликларида бажариладиган мавсумий ишлар пенсия тайинлаш учун стажга бир йиллик иш сифатида қўшилиши тўғрисидаги;
«Ўзбекипаксаноат» уюшмаси, Тошкент шаҳар ҳокимлиги, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитасининг илгари Ўзбекистон Фермерлар кенгаши балансига тасарруф этиш ҳуқуқисиз бепул берилган Тошкент шаҳар, Исмоил ота кўчаси, 1-уй манзилида жойлашган бинони «Ўзбекипаксаноат» уюшмасига бепул фойдаланиш учун топшириш тўғрисидаги таклифларига розилик берилсин.
Тошкент шаҳар ҳокимлиги (Р.Ж. Усмонов), Ўзбекистон Фермер, деҳқон хўжаликлари ва томорқа эгалари кенгаши (Б.Т. Юсупов), Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси (Р.А. Ғуломов) бир ой муддатда юқорида кўрсатилган бино топширилишини, «Ўзбекипаксаноат» уюшмаси эса (Б.К. Шарипов) қабул қилиб олинишини таъминласин.
Олдинги таҳрирга қаранг.
(12-банд Ўзбекистон Республикаси Президентининг 2018 йил 4 декабрдаги ПҚ-4047-сонли қарори таҳририда — Қонун ҳужжатлари маълумотлари миллий базаси, 05.12.2018 й., 07/18/4047/2269-сон)
Олдинги таҳрирга қаранг.
(13-банд Ўзбекистон Республикаси Президентининг 2019 йил 10 декабрдаги ПФ-5892-сонли Фармони таҳририда — Қонун ҳужжатлари маълумотлари миллий базаси, 11.12.2019 й., 06/19/5892/4134-сон)
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 12 январь,
ПҚ-3472-сон
Ўзбекистон Республикаси Президентининг 2018 йил 12 январдаги ПҚ-3472-сон қарорига
1-ИЛОВА
2018-2021 йилларда пилла тайёрлашни кенгайтириш ва чуқур қайта ишлаш негизида экспортга йўналтирилган юқори қўшилган қийматли тайёр маҳсулот ишлаб чиқариш бўйича инвестиция лойиҳалари
РЎЙХАТИ
эквиваленти млн. АҚШ долларида
Т/р | Инвестиция лойиҳаси номланиши | Инвестиция лойиҳаси ташаббускори (хорижий ҳамкор) | Молиялаштириш манбалари: | яратиладиган иш ўринлари сони | |||
лойиҳанинг умумий қиймати* | таъсисчилар маблағи | тижорат банкларининг кредитлари | хорижий инвестициялар ва кредитлар | ||||
1. | Тошкент шаҳрида ипак мато ва ундан тайёр маҳсулот ишлаб чиқаришни ташкил қилиш. | «Bukhara Brilliant Silk» МЖЧ ҚК («Karoma Investment Limited» компанияси (БАА)) | 5,0 | 0,5 | 2,0 | 2,5 | 186 |
2. | Андижон вилоятида хом ипак, ипак пахта ва ипак мато ишлаб чиқаришни ташкил қилиш. | «Andijan Silk Co» МЧЖ («Tongxiang Juncheng» компанияси(ХХР)) | 6,0 | 1,0 | 2,0 | 3,0 | 280 |
3. | Жиззах вилоятида хом ипак, ипак пахта ва ипак мато ишлаб чиқаришни ташкил қилиш. | «Silk expert processing» МЧЖ («Abnmb group» компанияси (Буюк Британия)) | 5,0 | 2,0 | 0,0 | 3,0 | 280 |
4. | Сирдарё вилоятида хом ипак, ипак пахта ва ипак мато ишлаб чиқаришни ташкил қилиш. | «Agro global» МЧЖ | 5,0 | 2,5 | 2,5 | - | 175 |
5. | Хоразм вилоятида хом ипак, ипак пахта ва ипак мато ишлаб чиқаришни ташкил қилиш. | «Khiva Silk Fabric» МЧЖ | 5,0 | 2,5 | 2,5 | - | 175 |
Жами: | 26,0 | 8,5 | 9,0 | 8,5 | 1 096 | ||
* Лойиҳалар қувватларининг параметрларига лойиҳаларнинг техник-иқтисодий асосланиши тасдиқланганидан кейин аниқликлар киритилиши мумкин.
LexUZ шарҳи
1-илова норасмий таржима.
Ўзбекистон Республикаси Президентининг 2018 йил 12 январдаги ПҚ-3472-сон қарорига
2-ИЛОВА
2018-2021 йилларда пилла тайёрлашни кенгайтириш ва чуқур қайта ишлаш негизида экспортга йўналтирилган юқори қўшилган қийматли тайёр маҳсулот ишлаб чиқариш бўйича инвестиция лойиҳалари доирасида қувватларни ишга тушириш
ЖАДВАЛИ
Т/р | Инвестиция лойиҳаси ва унинг ташаббускори | Ишлаб чиқариладиган маҳсулот номи | Ўлчов бирлиги | Якунловчи босқичда лойиҳанинг қуввати* | Қувватларни ишга тушириш босқичлари (йиллар бўйича) | |||
2018 г. | 2019 г. | 2020 г. | 2021 г. | |||||
1. | Тошкент шаҳрида ипак мато ва ундан тайёр маҳсулот ишлаб чиқаришни ташкил қилиш, «Bukhara Brilliant Silk» МЧЖ ҚК | Ипак мато ишлаб чиқариш | минг п.м | 460 | 305 | 155 | — | — |
Жаккард тўқув станогида махсус ипак матосини ишлаб чиқариш | минг п.м | 850 | 566 | 284 | — | — | ||
Нақшларни бўяш ва босишни ташкил қилиш | минг п.м | 572 | 572 | — | — | — | ||
Тикув станокларини ўрнатиш ва тайёр маҳсулот ишлаб чиқариш | минг шт. | 43 | 43 | — | — | — | ||
2. | Андижон вилоятида хом ипак, ипак пахта ва ипак мато ишлаб чиқаришни ташкил қилиш, «Andijan Silk Со» МЧЖ | Хом ипак ишлаб чиқариш | тн | 192 | 96 | — | 48 | 48 |
Ипак пахта ишлаб чиқариш | тн | 81 | 54 | — | — | 27 | ||
Ипак мато ишлаб чиқариш | минг п.м | 691,2 | — | 691,2 | — | |||
3. | Жиззах вилоятида хом ипак, ипак пахта ва ипак мато ишлаб чиқаришни ташкил қилиш, «Silkexpert processing» МЧЖ | Хом ипак ишлаб чиқариш | тн | 192 | 48 | 48 | 48 | 48 |
Ипак пахта ишлаб чиқариш | тн | 81 | 54 | — | — | 27 | ||
Ипак мато ишлаб чиқариш | минг п.м | 691,2 | 276,5 | 138,2 | 138,3 | 138,2 | ||
4. | Сирдарё вилоятида хом ипак, ипак пахта ва ипак мато ишлаб чиқаришни ташкил қилиш, «Agro global» МЧЖ | Хом ипак ишлаб чиқариш | тн | 144 | 96 | — | 24 | 24 |
Ипак пахта ишлаб чиқариш | тн | 81 | 67,5 | — | — | 13,5 | ||
Ипак мато ишлаб чиқариш | минг п.м | 345,6 | 207,4 | 69,1 | 69,1 | — | ||
5. | Хоразм вилоятида хом ипак, ипак пахта ва ипак мато ишлаб чиқаришни ташкил қилиш, «KhivaSilk Fabric» МЧЖ | Хом ипак ишлаб чиқариш | тн | 144 | 96 | — | 48 | — |
Ипак пахта ишлаб чиқариш | тн | 81 | 54 | — | — | 27 | ||
Ипак мато ишлаб чиқариш | минг п.м | 345,6 | 207,4 | 69,1 | 69,1 | — | ||
* Лойиҳалар қувватларининг параметрларига лойиҳаларнинг техник-иқтисодий асосланиши тасдиқланганидан кейин аниқликлар киритилиши мумкин.
LexUZ шарҳи
2-илова норасмий таржима.
(Қонун ҳужжатлари маълумотлари миллий базаси, 12.01.2018 й., 07/18/3472/0555-сон, 01.08.2018 й., 06/18/5497/1604-сон, 05.12.2018 й., 07/18/4047/2269-сон; 11.12.2019 й., 06/19/5892/4134-сон; 28.09.2020 й., 06/20/6075/1330-сон; 27.01.2021 й., 06/21/6146/0065-сон, Қонунчилик маълумотлари миллий базаси, 30.12.2021 й., 06/21/42/1224-сон)
