"O'zbekipaksanoat" uyushmasi

O‘zbekiston Respublikasi Prezidentining Qarori

Respublikada mavjud yaylovlardan unumli foydalanish, ipak va junni qayta ishlashni qo‘llab-quvvatlash bo‘yicha qo‘shimcha chora-tadbirlar to‘g‘risida

Hududlarning tabiiy-iqlim sharoitlariga mos jun yo‘nalishlaridagi mayda shoxli mollarni ko‘paytirish, ozuqa bazasini rivojlantirish, teri va junni qayta ishlash, ulardan yarim tayyor va tayyor mahsulotlar ishlab chiqarishni qo‘llab-quvvatlash, yaylov maydonlarida tabiiy ravishda o‘suvchi kavrak plantatsiyalari zaxiralaridan barqaror foydalanish, shuningdek, pillachilik tarmog‘i ozuqa bazasini ko‘paytirish, eksportga mo‘ljallangan mahsulotlar ishlab chiqarish hajmini oshirish maqsadida:

Belgilansinki:
a) 2022-yil 1-yanvardan boshlab 2025-yil 1-yanvarga qadar:

har yili yetishtiriladigan pilla (ho‘l pilla) hosilining bir kilogrammi uchun 5 ming so‘m miqdorida xonadonlarda pilla yetishtiruvchi jismoniy shaxslarga respublika budjeti hisobidan subsidiya ajratiladi;

tutzorlarni sug‘orish uchun foydalanilgan suv hajmiga suv resurslaridan foydalanganlik uchun soliq stavkasi 50 foiz miqdorda qo‘llaniladi;

b) oilaviy tadbirkorlikni rivojlantirish davlat dasturlari doirasida ajratilgan mablag‘lar jun yo‘nalishidagi qo‘ylarni, shuningdek, qo‘lda jun yigirish, ipak matolari, gilam va kigiz to‘qish uskunalarini sotib olishga ham yo‘naltiriladi;
v) Qashqadaryo viloyatining G‘uzor va Dehqonobod tumanlari, Samarqand viloyatining Qo‘shrabot tumani hamda Surxondaryo viloyatining Qumqo‘rg‘on va Boysun tumanlari jun yo‘nalishidagi mayda shoxli mollarni yetishtirishga ixtisoslashtiriladi;
g) O‘zbekiston Respublikasi Prezidentining 2019-yil 28-noyabrdagi “Hunarmandchilikni yanada rivojlantirish va hunarmandlarni qo‘llab-quvvatlash bo‘yicha qo‘shimcha chora-tadbirlar to‘g‘risida”gi PQ-4539-son qarori 9-bandida nazarda tutilgan moliyalashtirish tartibi, istisno tariqasida, qo‘lda jun yigiruvchi, gilam va kigiz to‘quvchi hamda qo‘y va echki terilaridan tayyor mahsulotlarni ishlab chiqaruvchi hunarmandlarga nisbatan ham tatbiq etiladi.
O‘zbekiston Respublikasi Prezidentining 2021-yil 9-fevraldagi “Qorako‘lchilik tarmog‘ini yanada rivojlantirish bo‘yicha qo‘shimcha chora-tadbirlar to‘g‘risida”gi PQ-4984-son qarori bilan Moliya vazirligi tomonidan qorako‘lchilik sohasini yanada rivojlantirish maqsadida 200 milliard so‘m mablag‘ ajratilganligi ma’lumot uchun qabul qilinsin.

Belgilab qo‘yilsinki:

a) mazkur mablag‘larning 50 milliard so‘m qismi 1-bosqich sifatida jun yo‘nalishidagi mayda shoxli mollarni yetishtirishga ixtisoslashtirilgan tumanlardagi tadbirkorlik subyektlari tomonidan loyihalarni amalga oshirish uchun belgilangan tartibda kredit ajratishga yo‘naltiriladi.

Bunda, ixtisoslashtirilgan tumanlarda mazkur mablag‘lar hisobidan:

respublika iqlimiga mos jun yo‘nalishidagi mayda shoxli mollarni import qilish orqali ularning soni oshiriladi;

yaylovlarda ozuqabop ekinlarni yetishtirish hajmi va yem ishlab chiqarish quvvatlari oshiriladi, jun qirqish va yig‘ish shoxobchalari tashkil etiladi;

junni qayta ishlash quvvatlari tashkil etiladi hamda aholi junni qayta ishlash va undan tayyor mahsulot ishlab chiqarish yo‘nalishida hunarmandchilikka o‘rgatiladi;

b) 2-bosqichda — 2022-yil 1-aprelga qadar Tiklanish va taraqqiyot jamg‘armasi mablag‘lari hisobidan 50 million AQSh dollari ekvivalenti miqdoridagi mablag‘lar 1-bosqich mablag‘larining ishlatilishi natijalariga ko‘ra tijorat banklari orqali belgilangan tartibda kredit ajratishga yo‘naltiriladi.
Quyidagilar:

Hunarmandchilik asosida qo‘lda shoyi matolar, shu jumladan a’lo baxmal to‘qish hajmini oshirish va to‘qilgan matolarni respublikada keng targ‘ib qilish bo‘yicha chora-tadbirlar dasturi 1-ilovaga muvofiq;

2021 — 2025-yillarda pillachilik klastyerlari tomonidan tutzorlarda hamda paxta va g‘alla maydonlari atrofida tut ko‘chatlarini ekish prognoz ko‘rsatkichlari 2-ilovaga muvofiq tasdiqlansin.

Bunda, 2-ilovaga muvofiq ekiladigan tut ko‘chatlari “O‘zbekipaksanoat” uyushmasi tarkibidagi pillachilik klastyerlarining mablag‘lari hisobidan ekiladi.

2021 — 2025-yillarda:

O‘rmon xo‘jaligi davlat qo‘mitasi har yili 30 million tup;

Qishloq xo‘jaligida bilim va innovatsiyalar milliy markazi huzuridagi Akademik M. Mirzayev nomidagi Bog‘dorchilik, uzumchilik va vinochilik ilmiy-tadqiqot instituti har yili 10 million tup tut ko‘chatlari yetishtirib berishni ta’minlasin.

Pillachilik va qorako‘lchilikni rivojlantirish qo‘mitasi, Respublika “Qorako‘lchilik” uyushmasi va uyushma a’zolarining:

Pillachilik va qorako‘lchilikni rivojlantirish qo‘mitasini Ipakchilik va jun sanoatini rivojlantirish qo‘mitasi (keyingi o‘rinlarda — Qo‘mita) deb qayta nomlash;

Respublika “Qorako‘lchilik” uyushmasini “Yaylov xo‘jaligini rivojlantirish” uyushmasi (keyingi o‘rinlarda — Uyushma) deb qayta nomlash to‘g‘risidagi takliflari ma’qullansin.

Belgilansinki, Qo‘mitaning doimiy egaligidagi yaylovlar hududida jismoniy va yuridik shaxslar tomonidan dorivor o‘simliklarni, shu jumladan kavrak o‘simligini yig‘ish, ekish va yetishtirish Qo‘mita bilan tuzilgan ijara shartnomalari asosida va unda belgilangan hududlarda amalga oshiriladi.
Quyidagilarga qo‘shimcha vazifalar yuklansin:
a) Qo‘mitaga:

junni qayta ishlash sanoatida raqobatni rivojlantirish, jun yetishtirish va uni qayta ishlash yo‘nalishidagi tadbirkorlik subyektlarini qo‘llab-quvvatlash;

junni qayta ishlashga hunarmandlarni keng jalb qilish orqali aholi bandligini ta’minlashga va ularning daromadini oshirishga ko‘maklashish;

xorijiy investitsiyalar, jumladan xalqaro moliya institutlarining mablag‘larini jalb qilish yo‘li bilan sohani rivojlantirish;

b) Uyushmaga:

jun yo‘nalishidagi mayda shoxli mollarni ko‘paytirish, jun ishlab chiqarish hajmini oshirish va uni chuqur qayta ishlash;

Qo‘mitaning doimiy egaligidagi yaylovlar hosildorligini oshirish, yaylov o‘simliklari urug‘chiligini yo‘lga qo‘yish va kavrak plantatsiyalarini tashkil etishga ko‘maklashish, shuningdek, tabiiy holda o‘suvchi kavrak o‘simliklaridan samarali foydalanishni yo‘lga qo‘yish;

respublika hududlarining tabiiy-iqlim sharoitlariga mos keladigan ozuqabop o‘simliklar yetishtirishni tashkil etish va tayyor mahsulotni yetkazib berish bo‘yicha takliflar tayyorlash;

respublika hududlarida kavrakni sanoat usulida yetishtirish hajmini ko‘paytirish choralarini ko‘rish, mahsulotni sotish bozorlarini kengaytirish maqsadida marketing tadqiqotlarini olib borish, eksport hajmini oshirish bo‘yicha amaliy yordam ko‘rsatish.

Shunday tartib o‘rnatilsinki, unga ko‘ra 2022-yil 1-yanvardan boshlab:

qorako‘lchilik xo‘jaliklariga ular tomonidan yetishtirilib, eksportga sotilgan har bir dona qorako‘l va qorako‘lcha terilari uchun;

yetishtiriladigan pilla (ho‘l pilla) hosilining bir kilogrammi uchun Davlat budjeti hisobidan ajratiladigan subsidiya Qo‘mita tomonidan beriladi.

Moliya vazirligi 2022-yildan boshlab budjet parametrlarini shakllantirishda tegishli mablag‘larning Qo‘mitaga ajratib borilishini ta’minlasin.

Investitsiyalar va tashqi savdo vazirligi 2022-yil 1-yanvarga qadar Qo‘mita taklifiga asosan qo‘y va uning go‘shti hamda go‘sht va ipak mahsulotlarini eksport qilishda import bojlarini bekor qilish masalasini shunday import bojlari mavjud bo‘lgan xorijiy davlatlar bilan o‘tkaziladigan hukumatlararo komissiya majlislarining kun tartibiga kiritsin.
Qo‘mita:

Bandlik va mehnat munosabatlari vazirligi va Moliya vazirligi bilan birgalikda 2022-yil yakuniga qadar Farg‘ona, Namangan va Andijon viloyatlarida, 2025-yilga qadar respublikaning boshqa hududlarida qo‘l mehnati uchun uskunalar xarid qilishga subsidiya ajratish tizimidan keng foydalangan holda, a’lo baxmal ishlab chiqarish hajmini 1 million metrga yetkazish choralarini ko‘rsin. Bunda, Farg‘ona viloyati hokimligi va tadbirkorlik subyektlarining davlat-xususiy sheriklik asosida Farg‘ona viloyatining tumanlarida Ipakchilik-hunarmandchilik markazlarini tashkil etish tajribasi Namangan va Andijon viloyatlarida ham tatbiq etilishi ta’minlansin;

Madaniyat vazirligi, Oliy va o‘rta maxsus ta’lim vazirligi, Xalq ta’limi vazirligi, Turizm va sport vazirligi hamda Transport vazirligi bilan birgalikda xalqaro tadbirlarda ishtirok etuvchi hamda ta’lim muassasalarida, avia va temir yo‘llar tizimida xizmat ko‘rsatuvchi ayollar kiyimida, shuningdek, respublikaning diqqatga sazovor joylarida milliy ipak matolaridan foydalanish bo‘yicha amaliy choralarni ko‘rsin.

Bandlik va mehnat munosabatlari vazirligi Qo‘mitaning asoslangan hisob-kitoblariga muvofiq, har yili 1-oktabrga qadar keyingi yil uchun qo‘l mehnati uchun uskunalar xarid qilish bo‘yicha xarajatlarni qoplashga beriladigan subsidiyalar miqdorini shakllantirsin va belgilangan tartibda ajratib borilishini ta’minlasin.
Qoraqalpog‘iston Respublikasi Vazirlar Kengashi Raisi va viloyatlar hokimlari:

tumanlarda zamonaviy pillani qayta ishlashga ixtisoslashgan korxona faoliyatini yo‘lga qo‘yish uchun yetarli bo‘lgan ozuqa bazasining yaratilishini;

Mahalla va oilani qo‘llab-quvvatlash vazirligi bilan birgalikda ishsiz aholi ro‘yxatining shakllantirilishini, ular pillachilik klastyerlariga biriktirilishini hamda pilla yetishtirib, daromad topish bo‘yicha targ‘ibot ishlarining olib borilishini ta’minlasin.

Innovatsion rivojlanish vazirligi manfaatdor vazirlik va idoralar bilan birgalikda 2022-yil 1-iyulga qadar ilmiy-tadqiqot ishlariga davlat buyurtmasi talablariga muvofiq ipak qurti urug‘chiligi, tutchilik va cho‘l-yaylov ozuqabop ekinlar seleksiyasi, yetishtirish agrotexnikasi sohasidagi mavjud muammolarning ilmiy yechimini ta’minlashga qaratilgan tadqiqot loyihalarining tanlov asosida shakllantirilishini va zarur mablag‘lar ajratilishini ta’minlasin.
Davlat bojxona qo‘mitasi Qo‘mita bilan birgalikda qo‘lda to‘qilgan gilamlar eksporti hajmini oshirish maqsadida xorijiy davlatlardan respublika hududiga olib kirilayotgan tayyor va yarim tayyor gilamlarni “bojxona hududida qayta ishlash” bojxona rejimida qayta ishlab, eksport qilishda tadbirkorlik subyektlariga barcha zaruriy sharoitlarni yaratsin.
Qo‘mita, “O‘zbekipaksanoat” uyushmasi va uning tarkibidagi korxonalarning 2022-yilda yetishtiriladigan pilla (tirik pilla) xarid narxini 10 foizga oshirish to‘g‘risidagi taklifi ma’qullansin.
Qo‘mita manfaatdor vazirlik va idoralar bilan birgalikda ikki oy muddatda:

qorako‘lchilik xo‘jaliklariga ularda yetishtirilib eksportga sotilgan har bir dona qorako‘l va qorako‘lcha terilari hamda yetishtiriladigan pilla (tirik pilla) hosili uchun subsidiyalar ajratish tartibini ishlab chiqsin va tasdiqlash uchun Vazirlar Mahkamasiga kiritsin;

qonunchilik hujjatlariga mazkur qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.

Mazkur qaror ijrosini samarali tashkil etishga mas’ul va shaxsiy javobgar etib Ipakchilik va jun sanoatini rivojlantirish qo‘mitasi raisi hamda Qoraqalpog‘iston Respublikasi Vazirlar Kengashi Raisi va viloyatlar hokimlari belgilansin.

Qaror ijrosi uchun mas’ul idoralar faoliyatini muvofiqlashtirish va nazorat qilish Bosh vazir o‘rinbosari Sh.M. G‘aniyev zimmasiga yuklansin.

Amalga oshirilayotgan chora-tadbirlar natijadorligi yuzasidan O‘zbekiston Respublikasi Prezidentiga har chorak yakuni bo‘yicha axborot kiritib borilsin.

O‘zbekiston Respublikasi Prezidenti Sh. MIRZIYOYEV

Toshkent sh.,

2021-yil 8-iyul,

PQ-5178-son

O‘zbekiston Respublikasi Prezidentining 2021-yil 8-iyuldagi PQ-5178-son qaroriga

1-ILOVA

Hunarmandchilik asosida qo‘lda shoyi matolar, shu jumladan a’lo baxmal to‘qish hajmini oshirish va to‘qilgan matolarni respublikada keng targ‘ib qilish bo‘yicha

ChORA-TADBIRLAR DASTURI

T/r	Amalga oshirish mexanizmi	Amalga oshirish muddati	Mas’ul ijrochilar
Qo‘l mehnatiga mo‘ljallangan uskunalar xarid qilishga subsidiya ajratish tizimini takomillashtirish
1.	Ipak mato va gilam to‘qish dastgohlarini xarid qiluvchi pillachilik korxonalari ro‘yxati va mazkur dastgohlarni xarid qilish uchun zarur bo‘lgan mablag‘lar to‘g‘risida ma’lumotni shakllantirish.	2021-yil 15-iyul	“O‘zbekipaksanoat” uyushmasi
1.	Shakllantirilgan ro‘yxat va ma’lumotga asosan pillachilik tashkilotlariga qo‘lda ipak mato va gilam to‘qish dastgohlarini xarid qilish uchun belgilangan tartibda subsidiya mablag‘larini ajratish.	2021-yil 1-avgust	Bandlik va mehnat munosabatlari vazirligi, Ipakchilik va jun sanoatini rivojlantirish qo‘mitasi
A’lo baxmal matosini ishlab chiqarishni jadallashtirish
2.	Farg‘ona viloyati hokimligi va tadbirkorlar hamkorligida davlat-xususiy sheriklik asosida qo‘l mehnatiga mo‘ljallangan uskunalarni xarid qilishga subsidiya ajratish tizimidan keng foydalangan holda Farg‘ona viloyatining 13 ta tumanida (Oltiariq, Bag‘dod, Beshariq, Buvayda, Dang‘ara, Farg‘ona, Furqat, Quva, Toshloq, So‘x, Uchko‘prik, O‘zbekiston va Yozyovon) jami 5,2 million AQSh dollari ekvivalentidagi investitsiya mablag‘larini jalb qilish orqali (har bir tumanda 400 ming AQSh dollari) Hunarmandlar markazlari faoliyatini yo‘lga qo‘yish.	2021-2022-yillar	Farg‘ona viloyati hokimiyati, “O‘zbekipaksanoat” uyushmasi, Bandlik va mehnat munosabatlari vazirligi
2.	Ushbu markazlarda 3,9 ming nafar xotin-qizlarning a’lo baxmal to‘qishda bandligini ta’minlash va yiliga 236 ming metr a’lo baxmal ishlab chiqarish.	2022-yil yakuniga qadar
3.	Andijon viloyati hokimligi va tadbirkorlar hamkorligida davlat-xususiy sheriklik asosida hunarmandlar markazlari faoliyatini viloyatning 14 ta tumanida jami 5,6 million AQSh dollari (har bir tumanda 400 ming AQSh dollari) miqdorida investitsiya kiritish orqali yo‘lga qo‘yish. Ushbu markazlarda 4,2 ming nafar xotin-qizlarning a’lo baxmal to‘qishda bandligini ta’minlash va yiliga 254 ming metr a’lo baxmal ishlab chiqarish.	2022-yil yakuniga qadar	Andijon viloyati hokimiyati, “O‘zbekipaksanoat” uyushmasi, Bandlik va mehnat munosabatlari vazirligi
4.	Namangan viloyati hokimligi va tadbirkorlar hamkorligida davlat-xususiy sheriklik asosida hunarmandlar markazlari faoliyatini 11 ta tumanda jami 4,4 million AQSh dollari (har bir tumanda 400 ming AQSh dollari) miqdorida investitsiya kiritish orqali yo‘lga qo‘yish. Ushbu markazlarda 3,3 ming nafar xotin-qizlarning a’lo baxmal to‘qishda bandligini ta’minlash va yiliga 200 ming metr a’lo baxmal ishlab chiqarish.	2022-yil yakuniga qadar	Namangan viloyati hokimligi “O‘zbekipaksanoat” uyushmasi, Bandlik va mehnat munosabatlari vazirligi
Sifatli ipak matolar ishlab chiqarishni va ularning savdosini tashkil qilish
5.	Respublikada ipak mato to‘qishga ixtisoslashgan korxonalarda zamonaviy mato to‘qish uskunalarini o‘rnatish ishlarini jadallashtirish.	2021-yil 1-dekabr	“O‘zbekipaksanoat” uyushmasi
	Respublikaning barcha hududlarida ipak matolar (a’lo baxmal) va ulardan to‘qilgan kiyimlar savdosiga ixtisoslashgan maxsus do‘konlarni tashkil qilish.	2021-yil 1-noyabr	“O‘zbekipaksanoat” uyushmasi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari
	Xalqaro moda ko‘rgazmalarida ipak matolardan to‘qilgan modellar bilan qatnashish va shu orqali milliy matolarimizni keng targ‘ib qilish.	Doimiy	“O‘zbekipaksanoat” uyushmasi, Investitsiyalar va tashqi savdo vazirligi
Madaniyat, sport va turizm sohasida milliy ipak matolarni targ‘ib qilish
6.	Respublika miqyosida hamda hududlarda o‘tikiladigan madaniy tadbirlar va bayramlarda ishtirokchilarning kiyimlarida hamda bayram o‘tkaziladigan maydonlar (amfiteatr, madaniyat saroylari va boshqalar), avtomobil yo‘llari va piyodalar yo‘laklari chetlarini milliy qadriyatlarimizni targ‘ib qilgan holda bayramona bezashda atlas, adras, shoyi va a’lo baxmal matolaridan keng foydalanish choralarini ko‘rish.	Doimiy	Madaniyat vazirligi, “O‘zbekipaksanoat” uyushmasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari
6.	Respublikadagi turistlar tashrif buyuradigan madaniy va tarixiy obida (obyekt)larda ishlovchi ayol xodimlarning ish kiyimlarida milliy “ikat” tasviri tushirilgan shoyi matolardan foydalanish choralarini ko‘rish.	Doimiy	Madaniyat vazirligi, Turizm va sport vazirligi, “O‘zbekipaksanoat” uyushmasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari
7.	Xalqaro va milliy darajadagi sport musobaqalarida (olimpiada, xalqaro va milliy sport chempionatlari, xalqaro sport anjumanlari) ayol sportchilarning kiyimlarini milliy “ikat” elementlari bilan boyitish.	Doimiy	Turizm va sport vazirligi, “O‘zbekipaksanoat” uyushmasi
O‘zbekiston Respublikasining transport operatorlari tomonidan milliy ipak matolarni targ‘ib qilish
8.	Yangi ochiladigan metro bekatiga “Ipakchilik” nomini berish yuzasidan Vazirlar Mahkamasiga taklif kiritish. “O‘zbekipaksanoat” uyushmasi tomonidan ipak matolar ekspozitsiyasini va sohada amalga oshirilayotgan islohotlar to‘g‘risidagi videoroliklarni namoyish etish uchun metro bekatida maxsus joy ajratish.	2021-2022-yil	“O‘zbekipaksanoat” uyushmasi, “O‘zbekiston temir yo‘llari” AJ, Transport vazirligi
9.	Milliy bayramlarimiz arafasida aeroportlar, temir yo‘l vokzallari va avtovokzallarni bezashda atlas, adras, shoyi va a’lo baxmal matolardan keng foydalanish.	Doimiy	Transport vazirligi, “O‘zbekipaksanoat” uyushmasi
10.	“Islom Karimov” nomidagi Toshkent xalqaro aeroportida milliy qadriyatlarimizni namoyon yetuvchi milliy ipak matolar, tayyor kiyim-kechaklar va ipakli aksessuarlar “Showroom” markazini tashkil qilish. “Showroom” markazini tashkil qilish uchun 100 kv.m joyni shartnoma asosida milliy ipak matolar, tayyor kiyim-kechaklar va ipakli aksessuarlarni sotuvchi tashkilotlarga ajratish.	2021-yil 1-avgust	Transport vazirligi, “Uzbekistan airports” AJ, “O‘zbekipaksanoat” uyushmasi
11.	Transport vazirligi huzuridagi yo‘lovchi tashish bilan shug‘ullanuvchi davlat korxonalari va davlat ulushi mavjud transport tashkilotlarida yo‘lovchilarga bevosita xizmat ko‘rsatuvchi ayol xodimlarning maxsus kiyimlarida milliy ipak mato elementlaridan foydalanish.	Forma kiyimi reja bo‘yicha yangilangan paytda	Transport vazirligi, “O‘zbekipaksanoat” uyushmasi, “Uzbekistan airways” AJ, “O‘zbekiston temir yo‘llari” AJ
Ta’lim tizimida milliy ipak matolarni targ‘ib qilish
12.	Maktablarda ipakchilik tarixi bo‘yicha ochiq darslarni tashkil etish.	Doimiy	Xalq ta’limi vazirligi, “O‘zbekipaksanoat” uyushmasi
12.	Oliy ta’lim muassasalari va litseylarda o‘tkaziladigan ma’naviy-ma’rifiy tadbirlar ishtirokchilari, ta’lim muassasalarining turli yo‘nalishlardagi tanlov musobaqalari jamoalari, to‘garak va klublar a’zolari, milliy bayramlar arafasida talaba qizlarning kiyimlari milliy atlas, adras, shoyi va a’lo baxmal matolardan bo‘lishini ta’minlash.	Doimiy	Oliy va o‘rta maxsus ta’lim vazirligi, “O‘zbekipaksanoat” uyushmasi
Joylarda ipak matolarni targ‘ib qilish
13.	Respublika hududlarida milliy matolarimizning aholi o‘rtasida o‘ziga xos qadr-qimmatga ega ekanligini hamda xotin-qizlar tomonidan atlas, adras, shoyi va a’lo baxmal matolardan tikilgan kiyimlarni milliy kiyim sifatida kiyilishi to‘g‘risida mahallalarda o‘tkaziladigan uchrashuvlarda keng targ‘ibot-tashviqot ishlarini olib borish.	Doimiy	Mahalla va oilani qo‘llab-quvvatlash vazirligi, “O‘zbekipaksanoat” uyushmasi

O‘zbekiston Respublikasi Prezidentining 2021-yil 8-iyuldagi PQ-5178-son qaroriga

2-ILOVA

2021 — 2025-yillarda pillachilik klastyerlari tomonidan tutzorlarda hamda paxta va g‘alla maydonlari atrofida tut ko‘chatlarini ekish

PROGNOZ KO‘RSATKIChLARI

						ming tup
T/r	Korxonalar nomi	Tumanlar nomi	2021-yil kuz mavsumi	2022-yil	2023-yil	2024-yil	2025-yil
Qoraqalpog‘iston Respublikasi
1.	“Turtkul Silk Carpets” MChJ	To‘rtko‘l	133	1 193	1 568	365	257
2.	“Bo‘ston-Silk” MChJ	Ellikqal’a	227	1 193	1 568	365	257
3.	“KKR Ipak Cluster” MChJ	Beruniy	57	1 172	1 540	358	252
4.	“Jayxun Silk” MChJ	Amudaryo	235	1 275	1 680	393	277
Jami			651	4 832	6 356	1 481	1 042
Andijon viloyati
5.	“Andijan Silk Co” MChJ	Andijon	338	1 603	2 133	489	339
6.	“Andijon Xanoy ipagi” MChJ	Baliqchi	427	1 732	2 311	531	368
7.	“Asaka Ipagi” MChJ	Asaka	115	1 153	1 513	345	238
8.	“Oltin Zar Ipagi” MChJ	Oltinko‘l	142	1 249	1 645	376	260
9.	“Sapfir Sanoat” MChJ	Shahrixon	1	1 178	1 548	353	244
10.	“Xarir Tola” MChJ	Jalaquduq	261	1 498	1 988	456	316
Jami			1 284	8 413	11 138	2 550	1 764
Buxoro viloyati
11.	“Romstar” QK	Romitan	76	1 706	2 274	521	360
12.	“Buxoro Brilliant Silk” MChJ	Peshku	392	1 603	2 133	488	338
13.	“Kumushkent ipagi” MChJ	Vobkent	201	1 599	2 127	487	337
14.	“Silk Service” MChJ	Buxoro	31	1 603	2 133	488	338
15.	“G'ijduvon ipag tola” MChJ	G‘ijduvon	492	2 010	2 694	618	428
16.	“Olot ipak tolasi” MChJ	Olot	671	2 039	2 733	627	435
17.	“Qorako'l ipak cluster” MChJ	Qorako‘l	774	2 503	3 372	775	538
Jami			2 637	13 062	17 466	4 003	2 773
Jizzax viloyati
18.	“Silk Expert Processing” QK	Do‘stlik	531	1 595	2 122	487	338
19.	“Zomin asl ipak tolasi” XK	Zomin	307	1 291	1 704	390	269
20.	“Al Abbos silk” MChJ	Arnasoy	523	1 568	2 085	478	332
21.	“G'allaorol silk eksport” MChJ	G‘allaorol	249	1 458	1 934	443	307
Jami			1 609	5 912	7 845	1 798	1 246
Qashqadaryo viloyati
22.	“Radiant Silk” QK MChJ	Qarshi	152	1 679	2 237	511	353
23.	“Koson silk” MChJ	Koson	497	2 715	3 665	840	582
24.	“Kasbi silk” MChJ	Kasbi	502	1 834	2 451	560	387
25.	“Chiroqchi-tolasi” MChJ	Chiroqchi	291	1 703	2 270	519	358
26.	“Shahrisabz Silk Praduktion” MChJ	Shahrisabz	517	1 824	2 437	557	385
27.	“Yakkabog' silk production” MChJ	Yakkabog‘	778	2 458	3 311	759	525
Jami			2 737	12 213	16 371	3 746	2 590
Navoiy viloyati
28.	“Qiziltepa pilla xazinasi” XK	Qiziltepa	381	2 024	2 712	636	451
29.	“AL-AZIZ IPAGI” MChJ	Navbahor	303	1 813	2 422	567	401
30.	“Navoiy Silk Produktion” MChJ	Nurota	20	836	1 077	244	168
31.	“Ipak qurti urug'i” MChJ	Karmana	126	1 183	1 554	359	250
32.	“Xatirchi pilla xazinasi” MChJ	Xatirchi	449	2 276	3 059	720	511
Jami			1 279	8 131	10 825	2 526	1 779
Namangan viloyati
33.	“VERIGROW IPAGI” MChJ	Mingbuloq	141	1 303	1 719	397	276
34.	“SilkRow” MChJ	Yangiqo‘rg‘on	176	1 215	1 598	368	256
35.	“FABRICTEX” MChJ	Uchqo‘rg‘on	70	1 178	1 548	356	247
36.	“GOLDEN SILK” MChJ	Namangan	41	1 230	1 620	373	259
37.	“MARJON TOLA FAYZ” MChJ	Uychi	1	1 183	1 554	358	248
38.	“ZILOL SILK” MChJ	To‘raqo‘rg‘on	64	1 256	1 655	381	265
39.	“SOF IPAK INVEST” MChJ	Chortoq	82	1 272	1 676	387	269
Jami			574	8 637	11 371	2 619	1 821
Samarqand viloyati
40.	“Elbek TRJ” MChJ	Pastdarg‘om	543	1 576	2 096	480	332
41.	“Ishtixon silk” MChJ	Ishtixon	528	1 576	2 096	480	332
42.	“Jomboy silk” MChJ	Jomboy	773	1 684	2 245	515	357
43.	“Oqdaryo ipagi” MChJ	Oqdaryo	502	1 576	2 096	480	332
44.	“Tayloq ipagi” MChJ	Toyloq	433	1 462	1 940	444	307
45.	“Kumush Tola” XK	Kattaqo‘rg‘on	163	1 639	2 182	500	346
46.	“Samarkand silk ao” MChJ	Narpay	453	1 587	2 110	484	335
47.	“Ziyovuddin silk” MChJ	Paxtachi	323	1 566	2 082	477	330
48.	“Zar oltin pilla” MChJ	Bulung‘ur	324	1 446	1 916	438	303
49.	“Urgut Silk Fiber Company” MChJ	Urgut	581	1 525	2 025	464	321
50.	“Payariq ipagi” MChJ	Payariq	246	1 530	2 031	465	322
Jami			4 867	17 167	22 820	5 227	3 618
Surxondaryo viloyati
51.	“Surxon Ipagi” MChJ	Sherobod	172	1 363	1 802	413	286
52.	“Nuashen Silkworm Pro” MChJ	Angor	171	1 363	1 802	413	286
53.	“Silk village” MChJ	Jarqo‘rg‘on	214	1 514	2 009	461	320
54.	“Inter Silk Pro” QK MChJ	Termiz	171	1 363	1 802	413	286
55.	“Silk town” MChJ	Qumqo‘rg‘on	214	1 514	2 010	461	320
56.	“Sino Silk” MChJ	Denov	258	1 514	2 010	462	320
Jami			1 201	8 632	11 435	2 623	1 818
Sirdaryo viloyati
57.	“AGRO GLOBAL” MChJ	Sirdaryo	353	1 380	1 826	421	294
Toshkent viloyati
58.	“RAVNAQ-SILK” MChJ	Bekobod	170	1 305	1 723	398	277
59.	“Toshkent Silk PRO” MChJ	Bo‘ka	235	1 302	1 717	396	276
60.	“TURON SILK” MChJ	Oqqo‘rg‘on	148	1 274	1 680	387	270
61.	“JINJUZ SILK CO” MChJ	Ohangaron	182	1 222	1 608	370	257
62.	“TCT Agrocluster” MChJ	Quyichirchiq	134	1 228	1 617	372	259
63.	“BIO FARM ELIT” MChJ	Yangiyo‘l	184	1 186	1 558	358	249
64.	“Oltin pilla 2020” MChJ	Chinoz	177	1 206	1 587	365	254
65.	“Javoxir Silver Silk” MChJ	Bo‘stonliq	197	1 248	1 644	379	264
Jami			1 427	9 972	13 135	3 026	2 105
Farg‘ona viloyati
66.	“NURLI TONG SILK” MChJ	O‘zbekiston	244	1 510	2 005	458	317
67.	“BESNARIQ IPAGI” MChJ	Beshariq	217	1 626	2 165	495	343
68.	“DANG'ARA IPAGI” MChJ	Dang‘ara	247	1 542	2 048	468	324
69.	“Silk World Business” MChJ	Bag‘dod	141	1 331	1 758	401	277
70.	“VODIL IPAK YIGIRUV” ShK	Farg‘ona	273	1 542	2 048	468	324
71.	“VODIY MARJONI” KTIChF	So‘x	177	984	1 279	290	199
72.	“Uchko`prik ipagi” MChJ	Uchko‘prik	204	1 415	1 874	428	296
73.	“TOSNLOQ SILK” MChJ	Toshloq	226	1 437	1 904	435	300
Jami			1 728	11 386	15 081	3 445	2 378
Xorazm viloyati
74.	“Bog'ot silk CO” MChJ	Bog‘ot	75	1 549	2 060	473	328
75.	“KNIVA SILK FABRIC” MChJ	Xiva	74	1 691	2 255	519	360
76.	“Shovot silk” MChJ	Shovot	50	1 445	1 915	439	305
77.	“XORAZM PILLA XOLDING” MChJ	Yangiariq	88	1 572	2 090	480	333
Jami			287	6 257	8 319	1 911	1 327
Respublika bo‘yicha jami:			20 633	115 994	153 987	35 377	24 555

(Qonunchilik ma’lumotlari milliy bazasi, 09.07.2021-y., 07/21/5178/0652-son)